ಸಂಡೂರು ಉಪ ಸಮರ; ಭಾರೀ ಜನಸ್ತೋಮದ ಬೆಂಬಲದೊಂದಿಗೆ ‘ಕೈ’ ಅಭ್ಯರ್ಥಿ ಅನ್ನಪೂರ್ಣ ತುಕಾರಾಂ ನಾಮಪತ್ರ ಸಲ್ಲಿಕೆ.

• ಹುಳ್ಳಿಪ್ರಕಾಶ, ಸಂಪಾದಕರು

* ಸುನಾಮಿ ನ್ಯೂಸ್, ಸಂಡೂರು,ಅ,24

ಭರ್ಜರಿ ಜನಸ್ತೋಮದ ಶುಭಹಾರೈಕೆಯೊಂದಿಗೆ ಹಿರಿಯ ಕಾಂಗ್ರೆಸಿಗರು, ಮಾಜಿ ಕೆಪಿಸಿಸಿ ಅಧ್ಯಕ್ಷರಾದ ಅಲ್ಲಂ ವೀರಭದ್ರಪ್ಪನವರ ಮುಂದಾಳತ್ವದಲ್ಲಿ ಸಂಡೂರು ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಶ್ರೀಮತಿ ಅನ್ನಪೂರ್ಣ ಈ.ತುಕಾರಾಂ ರವರು ಗುರುವಾರ ತಮ್ಮ ನಾಮಪತ್ರವನ್ನು ಸಲ್ಲಿಸಿದರು.

ಪತಿ ಹಾಗು ಬಳ್ಳಾರಿ ಲೋಕಸಭಾ ಸದಸ್ಯರಾದ ಈ.ತುಕಾರಾಂ, ಪುತ್ರಿ ಸೌರ್ಪರ್ಣಿಕ ರವರು ಅನ್ನಪೂರ್ಣರವರಿಗೆ ಸಾಥ್ ಕೊಟ್ಟರು. ನಾಮಪತ್ರಕ್ಕೂ ಮುನ್ನ ಕುಟುಂಬ ಸಮೇತರಾಗಿ ಲೋಹಾದ್ರಿ ಕ್ಷೇತ್ರದ ಅಧಿಪತಿ ಶ್ರೀಕಾರ್ತೀಕೇಯಸ್ವಾಮಿ ಹಾಗು ಮನೆದೇವರುಗಳಿಗೆ ಪೂಜೆ ಸಲ್ಲಿಸಿದರು.

ನಾಮಪತ್ರ ಸಲ್ಲಿಕೆಯನ್ನು ಬೆಂಬಲಿಸಿ ಕ್ಷೇತ್ರದ ಎಲ್ಲಾ ಮತಗಟ್ಟೆಯಿಂದಲೂ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಆಗಮಿಸಿದ್ದರಿಂದ ಇಡೀ ಸಂಡೂರು ಪಟ್ಟಣದ ಯಾವುದೇ ರಸ್ತೆ, ಸರ್ಕಲ್ ಗಳಲ್ಲಿ ಜನಸಾಗರವೇ ಸಂಗಮಗೊಂಡಿತ್ತು.

ಈ ಬೃಹತ್ ಮೆರವಣಿಗೆಯಲ್ಲಿ,
ಬಳ್ಳಾರಿ ಜಿಲ್ಲಾ ಉಸ್ತುವಾರಿ ಮಂತ್ರಿ, ಬಿ.ಜೆಡ್.ಜಮೀರ್ ಅಹಮ್ಮದ್ ಖಾನ್, ಧಾರವಾಡ ಜಿಲ್ಲಾ ಉಸ್ತುವಾರಿ ಮಂತ್ರಿ ಸಂತೋಷ್ ಲಾಡ್, ಮಾಜಿ ಸಚಿವರಾದ, ಬಿ.ನಾಗೇಂದ್ರ, ಪಿಟಿ.ಪರಮೇಶ್ವರನಾಯ್ಕ್,
ಶಾಸಕರುಗಳಾದ ಬಿ.ಎಂ.ನಾಗರಾಜ್, ಡಾ. ಎನ್ಟಿ ಶ್ರೀನಿವಾಸ್, ಬಳ್ಳಾರಿ ನಗರ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಅಲ್ಲಂ ಪ್ರಶಾಂತ್, ಗ್ರಾಮಾಂತರ ಜಿಲ್ಲಾ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ಬಿ.ವಿ.ಶಿವಯೋಗಿ ಸೇರಿದಂತೆ ಪಕ್ಷದ ಹಿರಿಯ ಮುಖಂಡರುಗಳು ಭಾಗವಹಿಸಿದ್ದರು.

• ಹುಳ್ಳಿಪ್ರಕಾಶ, ಸಂಪಾದಕರು.